នៅឆ្នាំនេះ យើងខ្ញុំនឹងធ្វើបទបង្ហាញអនឡាញតាមរយៈកម្មវិធី Zoom ក្រោមចំណងជើងថា “រាត្រីនៃក្ដីសង្ឃឹម”! បងស្រី យ៉ូក វាន់ អប់ស្ដុល ដែលជាទីប្រឹក្សាប្រចាំប្រទេស និង លោក ពាង ណារ៉េត ដែលជានាយកនៃអង្គការ លោកទាំងពីររូប គាត់នឹងចែករំលែកនូវព័ត៌មានថ្មីៗ អំពីកិច្ចការតាមរយៈអង្គការប្រភពទឹកនៃក្ដីសង្ឃឹម និងពីដំណើរដែលយើងខ្ញុំបានបញ្ចប់ឆ្នាំនេះ ដោយភាពរឹងមាំ។

ចូលរួមជាមួយយើងខ្ញុំ នៅថ្ងៃ ព្រហស្បតិ៍ ទី ៣ ខែ ធ្នូ ឆ្នាំ ២០២០

នៅម៉ោង 7 ព្រឹក (ម៉ោងនៅកម្ពុជា)

កញ្ចប់សម្រាលទុក្ខក្នុងវិបត្តិទឹកជំនន់

នៅចុងខែកញ្ញា រហូតដល់ខែ តុលា នៅក្នុងខេត្ដមួយចំនួននៃប្រទេសកម្ពុជា មានវិបត្តិទឹកជំនន់យ៉ាងកាចសាហាវ ដោយសារមានព្យុះភ្លៀងដ៏សន្ធឹក។

ក្នុងអំឡុងពេលនៃបញ្ហាទឹកជំនន់ អង្គការ បទស បានឆ្លើយតបភ្លាមៗ ដោយបានផ្ដល់ជាជំនួយ សម្រួលដល់បងប្អូនប្រជាជនខ្មែរ និងដើម្បីទប់ស្កាត់បញ្ហាអត់ឃ្លាន។ នៅក្នុងគ្រាដ៏ខ្លីមួយ ៩៥ គ្រួសារ នៅតំបន់ដាច់ស្រយាល និងនៅឆ្ងាយពីទីមិនងាយរកស្បៀងបាន ពួកគាត់ទទួលបានកញ្ចប់ជំនួយបន្ទាន់ពីក្រុមការងារ ដោយពួកគាត់បានធ្វើដំណើរទៅកាន់តំបន់ទាំងនោះផ្ទាល់។ ចំពោះការិយាល័យនៅខេត្ដ ពោធិ៍សាត់ បានទទួលរងទឹកជំនន់ អស់ជាច្រើនសប្ដាហ៍។ ធនធានមេរៀន និងសម្ភារៈមួយចំនួនត្រូវបានខូចខាត ហើយតម្រូវការខាងផ្នែកមធ្យោបាយធ្វើដំណើរការរងនូវការខូចខាតយ៉ាងដំណំផងដែរ។

ចំពោះ ទីចំការស្រែ ត្រង់កន្លែងមានទឹកជំនន់ ទីនោះត្រូវបានរងផលប៉ះពាល់ ហើយខូចខាតដូចគ្នា។ អង្គការ បទស ផ្ដល់ជាជំនួយ នៅក្នុងទម្រង់នៃកម្មវិធី កសិកម្ម មានដូចជា ធនាគារ គ្រាប់ពូជ ក្រុមសន្សំប្រាក់ និងការផ្ដល់ទីប្រឹក្សា សម្របសម្រួល តាមរយៈអាជ្ញាធរក្នុងតំបន់។

ជំនួយបានចាប់ផ្ដើមផ្ទាល់ពី ធនធានថវិកាបម្រុងមានកម្រិតរបស់អង្គការ បទស ។ ឥឡូវនេះ តម្រូវការខាងផ្នែកថវិកា ពិតជាចាំបាច់ និងជាតម្រូវការ សម្រាប់ឱ្យយើងខ្ញុំអាចបន្តផ្ដល់និងជួយទៅតាមតម្រូវការជាក់ស្ដែងទាំងនេះ។